Prej muaj banorët e tri lagjeve në Gjirokastër janë në rrezik evident për shkak të rrëshqitjeve të dheut.
Situata e rrëshqitjeve ka nisur 10 vite më parë ku një pallat u shemb duke marrë tri jetë banorësh. Rrëshqitjet vijuan të kërcënojnë edhe gjatë viteve në vijim duke u shënuar 5 të tilla që kulmuan këtë fillim viti pas reshjeve intensive që përfshinë Jugun e vendit.
Ndërkohë, për këtë situatë ka folur edhe Kryeministri Rama, i cili ndodhet në Gjirokastër. Pas mbledhjes së qeverisë në këtë qytet, Kryeministri u shpreh se projekti është studiuar dhe do të ketë një ndërhyrje të plotë.
“Projekti është studiuar nga qeveria. Ne jemi angazhuar ta bëjmë të plotë ndërhyrjen dhe ta zgjidhim njëherë e mirë atë problem në atë pikë të qytetit, i cili është një shqetësim real për ata banorë”, tha Rama.
a.ç
