Pas shembjes së masivit të gurëve në Poçem, përfaqësuesi i ARRSH, Klodian Sava në një prononcim për BalkanWeb, është shprehur se situata vazhdon të jetë e njëjtë. Sava tha se është e pamundur që zhbllokohet rruga për momentin dhe se po shihet mundësi për të shfrytëzuar një rrugë provizore.
“Rrëshqitja e gurëve në këtë zonë mbetet aktive. Është e pamundur zhbllokimi i rrugës për momentin. Do gjejmë një mundësi për një rrugë provizore. Zona paraqet problematike në rrëshqitjen e gurëve dhe dherave. Ende s’konstatohet rrëshqitje e bazamentit të rrugës”, është shprehur ai.
Aksi Levan-Tepelenë është bllokuar mëngjesin e sotëm për shkak të rrëshqitjes së gurëve nga skarpatet anësore.
Masivi i gurëve është shembur pranë Poçemit, çka ka detyruar autoritetet të devijojnë lëvizjen.
a.ç
