Aktorja Arjola Demiri, banore e “Big Brother VIP” ka rrëfyer një moment shumë të vështirë në jetën e saj.
Në spektaklin e mbrëmjes së sotme, aktorja Demiri tregoi se pas divorcit me babain e fëmijëve të saj, është ngjitur në katin e tretë të shtëpisë dhe se ka tentuar të hidhet për tu vetëvrarë.
Ajo ka treguar ngjarjet dramatike që ka kaluar përgjatë këtyre viteve.
Aktorja ka folur për njohjen me ish-bashkëshortin e saj, babain e 3 fëmijëve të saj, divorcin dhe ikjen për azil në Suedi. Arjola rrëfeu mes lotëve se pas disa vitesh qëndrim në Suedi, vendosi që të rikthehej te familja në Tropojë.
Ndërkohë që depresioni e kishte mbërthyer fortë, Arjola tregoi se kishte tentuar që të hidhej nga kati i tretë i pallatit ku jetonte. Ajo i kërkoi falje publike nënës së saj, për të gjitha sakrificat që ajo kishte bërë për të dhe fëmijët.
Arjola Demiri: U ngjita ne katin e trete të shtëpisë dhe po matesha të hidhesha e të vetëvritesha. Më erdhi mami nga pas dhe më tha ‘E dini sa kam vuajtur që t’ju rris, ku do të shkosh, ku do t’i lësh fëmijët?’
Mami im nuk ka qenë dakort për divorsin, nuk ka dashur, donte të luftoja. Është e vështirë që në Tropojë t’ua hapësh derën vajzave, është shumë e vështirë./m.j
