Nga Ardit Rada/
Ndërsa ka kaluar nata e parë e protestës së opozitës në bulevard, deputetët e PD janë përpjekur ta mbajnë të karikuar turmën që gjendet nën çadër përmes deklaratave. Por kontradiktore kanë qenë qëndrimet e shprehura publikisht ndërsa mbetet i paqartë opsioni që do t’i nxirrte ata nga çadra.
Edhe pse Lulzim Basha ka kërkuar një qeveri teknike për të përgatitur zgjedhjet e qershorit, një tjetër alternativë ka dalë pas mesnate nga radhët e opozitës. Nga kërkesa fillestare për votimin elektronik, PD sot kërkon edhe shtyrjen e ditës së votimeve. Deputeti Luçiano Boçi ka hedhur si ide zhvendosjen e zgjedhjeve në vjeshtë duke e quajtur shtatorin si muaj mjaft të përshtatshëm.
Faktikisht, opozita nuk ka një listë konkrete kërkesash që gjithësesi moralisht nuk do mund të merrnin zgjidhje, aq më tepër kur bëhet fjalë për qeveri teknike. Kjo pasi në vitin 2013 pas largimit të LSI nga mazhoranca, Sali Berisha qeverisi me 70 mandate të sajuara dhe askush nuk i kërkoi qeveri teknike për përgatitjen e zgjedhjeve.
Sot, opozita artikulon një standard të dyfishtë veprimi politik ku i kërkon largimin një qeverie me 85 mandate në Kuvend. Kjo kërkesë vjen pas pretendimit se ka një pakënaqësi të theksuar në popull për mënyrën e drejtimit të vendit, por duket se PD nuk e ka durimin që këtë pakënaqësi ta përkthejë në vota pas 3 muajsh.
Partia Demokratike ka njoftuar sot mbledhjen e kryesisë në orën 14:00, por nuk dihet nëse do të qartësojë mendimet e saj apo do të vendosë për pjesëmarrjen ose jo në Kuvend ditët në vijim.
Faktori kryesor i kaosit nën çadër është se duket sikur opozita i është futur një rruge pa bërë asnjë llogari, pra sesi do të dalë nga çadra.
Rreziku konkret është që protesta të tkurret në numër dhe entuziazëm, vëmendja mediatike të bjerë nga dita në ditë dhe ndërsa zgjedhjet afrohen presioni ndërkombëtar të rritet.
Pra e gjithë kjo rrëmujë duket se do të përfundojë si një nismë pa krye për shkak të një vendimi të marrë në shesh dhe papjekurisë politike të lidershipit të ri në PD. /JAVANEWS
Ju Radat,katnar metet gjith jeten,sic duket e trashegoni nder breza,e nuk po “qyteteroheni”as sot e kesaj dite.Sa mire e the,se Berisha,mbas largimit te Metes,i sajoi 70 mandate dhe nuk formoi qeveri teknike.Por duhet te shtosh,se Berisha kishte te drejte,mbasi zgjedhjet I fitoi e majta.Pse????sepse Berisha me shoke,nuk I vodhi votat,pra zgjedhjet ishin te rregullta,e jo si ne Diber,e Kolonje,ku e pate vete se si u be me votat.Vota u be mall,jo vetem per shitje,por edhe per”shkembim reciprok” ose si I thone qytetarshe,(more kantar I shkrete),me “klering”Vota me miell,me leke,me premtim per vend pune,me lenie te lire te korre hashashin,dhe shume te tjera,qe edhe po te t’i them,ti more kantar,nuk I kupton dot.Lene ket pune e merru si paraardhesit e tu.