Një djalë i ri është rrëmbyer në mes të Durrësit, duke u marrë forcërisht në makinë.
Policia e Durrësit thotë se pas informacionit se një person e kishin marrë me dhunë pasditen e së dielës, organizuan punën për identifikimin e kapjen e autorëve dhe gjetjen e personit.
Nga ndërhyrja në kohë, veprimeve profesionale dhe punës së mirëorganizuar u bë e mundur zbardhja e ngjarjes, identifikimi, kapja dhe arrestimi i tyre në flagrancë:
Kështu u arrestua F. D. (K.), 32 vjeç, banues në Lezhë, i cili ishte i shpallur në kërkim, pasi Gjykata Lezhë e ka dënuar me 1 vit burg, për veprën penale “Futja dhe mbajtja e sendeve të ndaluara në IEVP”.
Krahas tij u vunë në pranga A. P., 35 vjeç dhe A. H., 33 vjeç, banues në Laç.
Këta persona, në bashkëpunim me njeri-tjetrin, në lagjen Nr. 16, Durrës, për motive të dobëta, kanë marrë me dhunë E. N., 16 vjeç, në mjetin tip “Audi” e më pas e kanë dhunuar fizikisht.
Ndak të dyshuarit materialet i kaluan Prokurorisë së Durrës, për veprën penale “Heqja e paligjshme e lirisë, kryer në bashkëpunim”.
g.kosovari
