Denis Shtraza, një prej të dyshuarve kryesorë për rrëmbimin dhe më pas vrasjen e Gazmend Çollakut fillimjanarin e këtij viti në qytetin e Durrësit, do të qëndrojë në qeli të paktën deri në përfundim të hetimeve të prokurorisë. Gjykata e Krimeve të Rënda ka lënë në “arrest me burg”.
Prokuroria e Krimeve të Rënda jep informacion 2-mujor, ndërsa shton se do të kryhet ekspertim i GPS.
Shtraza i cili do të qëndrojë në burg deri në përfundim të ekspertimit, edhe në seancat e kaluara ka hedhur poshtë akuzat që i rëndojnë mbi supe.
Përveç Shtrazës, prokuroria ka shpallur në kërkim edhe ish-oficerin e policisë, Ervin Dalipaj.
Ky i fundit, nga arratia deklaroi më herët në një intervistë për “News 24”, se nuk ka lidhje me ngjarjen dhe se akuzat ndaj tij janë të fabrikuara nga segmente të caktuara të policisë. Ai gjithashtu tha, se për momentin nuk dorëzohet pasi nuk ka besim te policia. Nga hetimet deri më tani rezulton se Dalipaj është ndodhur në shoqërinë e Shtrazës natën e krimit. Të dy janë shoqëruar në policisë e Durrësit e më pas janë lënë të lirë.
Në këtë automjet, tip “ML”, prokuroria pretendon se janë gjetur gjurmë gjaku. “Gjatë kontrollit të mjetit, dy personave u janë gjetur disa celularë të fikur. Nga kjo e dhënë, policia ka krijuar dyshime dhe ka vendosur bllokimin e përkohshëm të mjetit, ndërkohë që dy personat e shoqëruar janë lënë përkohësisht të lirë. Nga veprimet hetimore të Prokurorisë për Krime të Rënda, ndër të tjera, është bërë edhe këqyrja e kufomës dhe është urdhëruar ekspertiza raporton BW.
Nga të dhënat shkencore, në fashat plastike me të cilat ishte lidhur viktima, u gjetën disa gjurmë gjaku, të cilat nuk i përkisnin viktimës, por që kishin vlera identifikuese. Po ashtu, nga ekspertiza e mjetit tip ‘ML’, në pjesën e pasme të saj u gjetën disa gjurmë gjaku. Këto gjurmë, pasi u krahasuan, rezultuan të njëjta me gjurmën e gjakut të gjetura në fashën plastike me të cilën ishte lidhur viktima Çollaku”, thuhet në dosje. Prokuroria ka urdhëruar kryerjen e analizës së ADN-së, për të përcaktuar nëse njollat e gjakut i përkasin ndonjërit nga dy të dyshuarit, Shtrazës apo Dalipajt. Ndërkaq, për analizim janë dërguar telefonat celularë që u janë sekuestruar. Prokuroria dyshon se marrja peng dhe ekzekutimi i Çollakut, ka lidhje me vrasjen e dy të rinjve, Ervin Kodra dhe Endri Çaushaj, në Durrës, në dhjetor 2015./a.m.
