I rrëmbyer, i rrahur dhe i grabitur. Viktima është një mekanik 30-vjeçar nga Fondi.
Ngjarja ka ndodhur në tetor të vitit të shkuar dhe një shqiptar 20 vjeçar u arrestua për rrëmbimin dhe dhunimin e tij, ndërsa një 17 vjeçar po shqiptar po ndiqet penalisht.
Operacioni i policisë përfundoi këtë mëngjes, duke mbyllur dosjen hetimore për rastin.
Sipas rindërtimit të skemës së ngjarjes, viktimës ju afruan dy të rinjtë shqiptarë, me të cilët kishte ndarë punën në të njëjtën ndërmarrje.
Paraprakisht, ata e ftuan në një takim 30 vjeçarin dhe më pas, nëpërmjet një thike, e detyruan të dorëzonte çelësat e makinës, portofolin dhe telefonin celular. Më pas, filloi një rrahje e vërtet.
Menjëherë pas kësaj, kur 30-vjeçari vuante nga dhimbja e shkaktuar nga dhuna, u transportua me forcë në qendër të qytetit tek një bankomat. Këtu, ata e detyruan të fuste pinin e kartës duke nxjerrë qindra euro.
Makina pastaj u kthye në një zonë të largët dhe të izoluar, ku 30-vjeçari u rrah përsëri.
Makthi përfundoi vetëm kur torturuesit vendosën të kthehen në qytetin Fondi duke e braktisur atë.
Viktima, pasi u kthye shkoi në spital dhe më pas rrëfeu gjithçka tek hetuesit.
Burrat e stacionit policor arritën të identifikonin dy dhunuesit, megjithatë, më i madhi ishte kthyer në Shqipëri, shkruan panorama. Por, hetuesit duke përdorur një dredhi, arritën ta kthenin shqiptarin në Itali dhe sapo u kthye u arrestua.
Këtë mëngjes, ndaj të riut u hap qelia e burgut të Latina, ndërsa bashkëpunëtori i vogël u raportua për të njëjtat krime në gjykatën e të miturve në Romë.
g.kosovari
