Kryetari i Grupit Parlamentar të PS, Taulant Balla reagoi pas deklaratës së kreut të PD, Lulzim Basha i cili kundërshtoi propozimin e PS për ndryshimin e rregullores për arrestimin e deputetëve. Ndryshimet kushtetuese janë miratuar me 140 vota, deklaroi Balla në një deklaratë për media. Rregullorja e kuvendit të Shqipërisë po vihet në një linje me kushtetutën, shtoi ai
“Sot do të sqaroj gjithçka, me vjen keq që Basha nuk di të bëjë ndryshimin mes rregullores dhe ligjit. Janë sjellë ndryshimet Kushtetuese të 2013 dhe të 2016, por në Kodin e Procedurës Penale dhe sikurse pjesa më e madhe e dinë edhe të vendimeve të Gjykatës Kushtetuese.
Ka qenë një kërkesë e hershme në rastet kur Kuvendi është gjetur në situatën, cilën prej akteve të respektonte Kushtetutën apo rregulloren, është respektuar Kushtetuta. Në rastin e shqyrtimit të kërkesës së Tahirit, nëse Këshilli i Mandatave do të ishte referuar rregullores do të kishte qenë një gabim dhe i është referuar Kushtetutës. Përballë kësaj situate është bërë një përmbledhje e të gjithë ndryshimeve Kushtetuese edhe në Kodin e Procedurës me qëllim që Kuvendi të rregulloren me qëllim që detyrimi ynë për ta pasur rregulloren në reflektim të ndryshimeve Kushtetuese të jetë vijuese.
Më vjen keq që personin që ka folur sot, Basha nuk dika që kemi votuar me 140 vota ndryshimet Kushtetuese të një viti më parë, që janë fjalë për fjalë sikur janë në ndryshimet edhe të 2012, atëherë për kufizimin e imunitetit” deklaroi Balla.
Grupi i PS permes një projektvendimi kërkon që të qartësojë rregullat, kushtet dhe procedurat për arrestimin e deputetëve, duke vënë si kusht paraqitjen e provave bindëse nga ana e prokurorisë. Grupi parlamentar i Partisë Socialiste ka depozituar një projektvendim në Kuvend, për ndryshimin e Rregullores së Kuvendit, për dhënien e autorizimit nga Kuvendi për arrestimin e deputetëve apo ministrave, me kërkesë të Prokurorisë.
Propozimet e reja të socialistëve i njohin gjithashtu të drejtën deputetit që t’i bëjë pyetje Prokurorisë gjatë shqyrtimit të kërkesës dhe të paraqesë shpjegimet e tij. Propozimet e reja fusin mundësin për debat, ndërsa votimi, i cili sot është i fshehtë, propozohet të bëhet I hapur.
a.ç
