Klubet e “Premier League” kanë rënë dakord në parim që sezonin e ardhshëm sesioni i merkatos së verës të shkurtohet.
Sipas mediave angleze disa trajnerë ta kampionatit kanë dalë kundër formulës aktuale e cila lejon transferimin e lojtarëve edhe pas fillimit të kampionatit. Kjo sipas tyre sjell pështjellime në ekip dhe te lojtarë të veçantë të cilët u lakohet emri për ndryshime destinacionesh në merkato, raporton “Telegraph”.
Gjithsesi ekziston shqetësimi se kampionatet e tjera të Europës do të kishin një avantazh të madh duke e mbyllur merkaton në fundin e gushtit, me lojtarët që do të ishin akoma në gjendje të largoheshin nga skuadrat e “Premier League”, që nuk do të kishin më mundësi t’i zëvendësonin ata.
Krerët e klubeve do të mblidhen me datë 7 shtator për të vendosur përfundimisht pikat mbi “i” të kësaj çështje, por opsioni për mbylljen e merkatos në fund të muajit korrik mbetet prioritet
a.ç
