Rrëfimi i vajzës që u përdhunua nga babai që 4 vjeç
Bobbi Woodley ishte vetëm 4 vjeç kur babai i saj e mbyllte në bagazhin e makinës së tij, dhe abuzonte me të seksualisht. Sot ajo është 34 vjeç dhe ka zbuluar identitetin e saj për të rrëfyer periudhën më të errët të jetës, makthin më të madh.
E mbyllur në bagazhin e makinës së babait të saj. Është errësirë dhe ajo nuk mund të marr frymë; ajri është i ndotur. Nuk ka një jorgan për ngrohtësi, dhe ndjen të ftohtë. Nuk ka drita, nuk ka lodra, nuk ka asgjë dhe ajo është e droguar. Ka nevojë për të shkuar në tualet, por nuk e di nëse dikush do të vijë ta kërkojë atë.
Ky makth përsëritet shpesh në mendjen e Bobbi-t, dhe është aq i fuqishëm, sa edhe sot pas 30 vjetësh nuk e lë të qetë.
Sot Bobbi ka zbuluar identitetin e saj për të treguar një histori që i copëton zemrën. Që nga mosha 4-vjeçare, i ati i saj e ka detyruar të kryejë marrëdhënie seksuale “nën hundën” e autoriteteve. Ai e rrëmbente, e fuste në bagazhin e makinës dhe abuzonte me të.
Shans pas shansi ky makth iu shpëtonte punonjësve socialë. U desh një apel në TV dhe kërkimet nga një dedektiv, që të zbulohej e vërteta dhe 77-vjeçari Colin Goss të dilte para drejtësisë.
Disa javë më parë ai u burgos për 16 vjet pas deklarimit fajtor për shtatë akuza, duke përfshirë tre që lidheshin me përdhunimin. Aq i tmerrshëm qe rasti sa që kur gjykatësi në Plymouth e dëgjoi, e rriti dënimin në 18 vjet.
Sot, zemërimi i gruas për autoritetet është i dukshëm. Në tri raste të veçanta që policia ka hetuar, nuk pati asnjë ndjekje penale. Pasvarësisht akuzave ndaj tij, sistemi i kujdesit e lejonte qëndrimin e babait pranë vajzës së tij. Në një rast madje, Bobbi kujton se babai i saj i kishte qerasur në lokal punonjësit socialë.
Ajo sot shpreson që historia e saj të ndërgjegjësojë njerëzit, punonjësit socialë të rrisin më tepër vëmendjen ndaj nevojave të fëmijëve dhe problemeve të tyre me familjen.
