“Një infermier më shpëtoi jetën. Ishte një person me shumë eksperiencë. Kjo është hera e dytë që një infermier më shpëton jetën. Hera e parë ishte në vitin 1957”, u shpreh Papa gjatë një interviste për një radio spanjolle.

Herës së parë që i referohet Ati i Shenjtë, ishte një infermiere italiane që kundërshtoi mjekët dhe ndryshoi mjekimin për të ndërsa mjekohej për pneumoni.

Papa 84 vjeç, u operua së fundmi në zorrën e trashë më 4 korrik në poliklinikën “Gemelli”, ku qëndroi në regjim shtrati për 10 ditë.

Ishte ky operacion që ngriti thashethemet në media për një dorëheqje të mundshme të Papa Françeskut.