Pushimet e tua në Miami janë komentuar shumë në rrjetet sociale. Kaq në rregull i ke gjërat?
(Qesh). I pashë komentet në fakt. Mund të them se unë isha në Miami te
familjarët e mi, në New York dhe Londër gjithashtu. Gjeta një mundësi
për t’u shkëputur për pak pushim.
Të paktën nga fotot që poston në rrjetet sociale, duket se bën jetë të vërtetë luksi. Është kështu?
Amerika është jo më kot ëndrra e madhe e gjithë botës. Duket sikur Zoti
ka bekuar çdo cep të atij vendi. Kështu që mendoj se fotot e mia në ato
ambiente janë interpretuar si “luks”. Por unë s’do e përkufizoja ashtu,
pasi për mua ishte një udhëtim mëse normal. Kam fjetur në shtëpitë e të
afërmëve të mi, kam udhëtuar me makinat e tyre, as hotele luksi dhe as
makina siç thuhet. Pra mendoj se nuk ka asgjë kaq çudi në atë udhëtim.
Po në Tiranë çfarë jete bën, duke u nisur nga stili i jetës dhe i veshjeve?
Jetë normale bëj si të gjithë. Me stres të trafikut në mëngjes, të
parkingut, të taksave të larta, të krizës ekonomike që ndjehet në çdo
cep. Asnjë moment jashtë këtij raliteti, që na ka dehur të gjithëve.
Pra nuk e konsideron veten një vajzë të pasur?
Për sa kohë që kam këtë shpirt të lirë dhe një familje të shëndoshë, nuk
ndjehem e varfër. Për mua llogaria bankare nuk është pjesë e lumturisë
sime. Pra për sa kohë kam mundësi të punoj e të shijoj punën time, unë
jam shumë ok. Nuk jam e pasur, jam një vajzë normale, me të ardhura
normale e me një jetë normale. express
