Besnik Basha, një praktikues i fesë islame ka rrëfyer kalvarin e vuajtjeve dhe sherreve, ndërsa prej më shumë se 10 vitesh ndante shtëpinë me dy gratë e tij. Babai i 10 fëmijëve ka qenë sot protagonist në emisionin ‘Me zemër të hapur’ në “News24” ku tregoi sesi e plagosi gruaja e tij e parë, Rudina Basha, 45 vjeç, pak momente pasi ata kishin bërë dashuri, duke e qëlluar me thikën e bukës në bark.
Ai thekson se pavarësisht gjestit të saj, ai kishte bërë gabimin e tij që si lejohet një myslimani, pasi e kishte ofenduar gruan me fjalë të rënda, gjë që më pas kishte shkaktuar krimin e 28 korrikut të këtij viti. Tashmë gruaja, nëna e 6 fëmijëve të tij ndodhet në paraburgimin e burgut 325, ndërsa akuzohet për ‘plagosje’, ndonëse burri i saj e ka falur dhe pret që ajo të lihet e lirë. Besniku e ka justifikuar veprimin e Rudinës, ndërsa shton se ajo e ka plagosur në një gjendje të rënduar psikologjike, pasi vuan nga depresioni.
“Ajo ishte në shtëpinë e prindërve të saj dhe ramë dakord që të merrnim me qira një shtëpi. Unë doja të shkoja, por ajo nuk donte. Kam shkuar natën e 28 korrikut që ta bind Rudinën që të kthehet në shtëpi. Gjatë kohës nuk kam pasur premisa për tu rregulluar çështja. Shkoj vonë debati dhe unë do rrija në atë shtëpi. Paguhej nga prindërit e saj. Jo se nuk dëshiroja unë, por ata kishin dëshirë. Ka shkuar ora 3 e natës dhe unë nuk po shihja premisa për ta rregulluar çështjen e muhabetit, Mendoja se thjesht diçka afrimitet në lidhje mes gruas dhe burrit mund të përmirësohej gjendjen tonë. Kjo jo se solli përmirësimin, pasi ajo u acarua më shumë dhe më goditi me dorë sa mua mu duk një gjest shumë i ulët. Ajo më gjuajti kot pa shkak. Doja afrimitet intim dhe ajo u acarua. Ajo më goditi, por nuk është mentalitet i myslimanit. Unë e ofendova keq dhe ishte shumë nxehtë. Ajo u ngrit dhe iku mendova se do shkonte tek fëmijët. Ama nuk dija se ajo do vinte. Po rrija po mendoja se si ndodhi kjo punë. Pse duhet ta shaja. Ajo ka shkuar direkt tek kuzhina, ka marrë thikën e bukës dhe më ra. Sapo mbulova kokën me çarçaf, ajo më goditi. Ajo më goditi me thikë, mendova se më kishte rënë me grusht. Pastaj mediat kanë njoftuar se më ka qëlluar me 6 thika, por nuk është e vërtetë. Dua t’ju njoftoj se më ka gjuajtur me një thikë dhe të tjerat kanë qenë gricje.”, tha Besniku./a.k
