“Ishte masakër”, tregon për “The Guardian” Marc Coupris, 57 vjeç, ende duke u dridhur, pas lirimit nga pengmarrja në lokalin e natës Bataclan, ku po jepej koncerti rok. “Dukej si shesh beteje, gjak kudo, trupa kudo. Isha në anën e largët të sallës kur ndodhi. Kishte të paktën dy pushkatarë. Gjuanin nga lozha. Të gjithë u shtrinë përtokë. Pata një burrë sipër meje dhe një tjetër anash. Qëndruam ashtu. Në fillim ndenjëm pa zhurmë. M’u duk si një përjetësi. Mendoja: Jam i mbaruar, jam i mbaruar. Isha i tmerruar. Pastaj erdhpn disa xhandarë dhe u ngritëm ngadalë. Policët na thanë të iknim me vrap”.
Coupris kishte shkuar në Bataclan nga Bretanja bashkë me 15 shokë për të parë koncertin e grupit amerikan Eagles of Death Metal .
“Dukej si në filma”, thotë një grua duke qarë.
“E tmerrshme, sa shumë kufoma kishte. Nuk flas dot”, thotë në burrë me mjekër, tepër i tronditur.
