Këtë të mërkurë në emisionin “Rudina” në Tv Klan, ka qenë i ftuar kryetari i Komitetit Olimpik Shqiptar, Fidel Ylli, i cili iu është përgjigjur edhe një seri pyetjesh nga moderatorja e programit, Rudina Magjistari.
Njëra nga pyetjet e moderatores ishte: “Cila është gjëja e parë që të vjen ndërmend kur flasim për fëmijërinë?“
Ylli rrëfeu një rast kur i kishte hyrë sportit të mundjes pa dijeninë e babait.
Fidel Ylli: Gjëja e parë që më vjen ndërmend në fëmijëri është momenti kur unë i kisha hyrë sportit të mundjes pa dijeninë e babait tim. Babai më kishte futur në trombë në rrethin e muzikës në Pallatin e Pionierit. Unë kisha hyrë në mundje, kisha dal kampion dhe pas 2 vjetësh, motra ime e madhe sheh diplomat e mia “Fidel Ylli kampion kombëtar, mundësi më i mirë”. Ia jep babait dhe i thotë: “urime se djali është bërë mundës”. Kjo është një gjë që më ka ngelur në mendjen time, që nuk u tregova i sinqert me babain tim.
/a.r
