Xhani De Biazi, ish-trajneri i Shqipërisë, në një intervistë të dhënë për mediat polake në lidhje me mundësinë që italiani kishte për të marrë drejtimin e kësaj kombëtarje, ka folur edhe për disa tema të tjera.
Herën e fundit keni menaxhuar skuadrën e Alavashit në Spanjë. Një trajner italian nuk përshtatet dot në Spanjë?
Alavesh ishte gabimi im më i madh në karrierën time si trajner. 10 vite më parë unë punoja te Levante dhe kam mësuar rreth specifikimeve në futbollin spanjoll. Unë kam marrë një vendim të gabuar, por këtë e di tani nga perspektiva e kohës dhe e gjykoj.
Puna me stafin Shqiptar, ka qenë gjëja më e mirë që të ka ndodhur?
Kam ngjitur në Seria A, Modenën dhe Torinon, dhe kur u largova nga skuadra e parë ishte në vend të 13 në elitën e futbollit italian. Unë vendosa të shkojë te Shqipëria dhe u habita se sa të “çmendur” ishin fansat atje. MË kujtoi Napolin. Kualifikimi për në Euro 2016 shkaktoi një valë të madhe entuziazmi në të gjithë vendin. Të punoje me shqiptarët nuk ishte e lehtë. Duhet të balancoje humoret gjithë kohën. Duhet të flisje shumë me ta, pasi bëheshin euforik pas një fitoreje dhe dhe unë duhet t’i mbaja me këmbë në tokë. Treguan një anë të mirë tonën në Euro 2016. Fitorja me Rumaninë ishte njësoj sikur për skuadrat e tjera të fitonin Kupën.
Nuk donit të qëndronit në Shqipëri më gjatë?
Për kualifikueset e botërorit ishim në një grup tmerrësisht të vështirë, por nuk luajtëm futboll të keq. Nga një pikëpamje mendova se kisha nevojë për sfida të reja, të ndryshoja mjedis dhe ti thoja Federatës se ishte koha për tu larguar. Unë mund të shkoj atje për pushime, por nuk do të kisha kohë për qetësi pasi do të rrija gjithë kohën duke dhënë autografe dhe duke pozuar foto.
