Peqini u trondit nga krimi në familje dy ditë më parë, ndërsa babai 70 vjeçar tregon arsyet që e çuan t’i merrte jetën djalit të tij. Ismail Bahja, tha para hetuesve se djali i tij Eltoni, ushtronte prej tre muajsh dhunë ndaj tij dhe të shoqes.
Bahja tregoi se i biri kishte kaluar në depression dhe çdo mbrëmje shkonte i dehur në shtëpi. Më pas djali fillonte rrihte dy prindërit e tij, çdo natë.
Shkak për këtë gjendje ishte bërë dështimi i tentativës që 33-vjeçari të shkonte në Kanada tek i vëllai. Ai kishte shitur edhe tokat në fshat për këtë qëllim.
Por, jo vetëm nuk kishte gjetur dot njerëzit e duhuar për të shkuar në Kanada, por dhe shuma e mbledhur nuk i mjaftonte. Për këtë arsye, ai kishte filluar të pinte çdo mbrëmje dhe kishte kaluar në depression.
“Djalin e vrava pasi tentoi të na helmonte me fotoksinë mua, gruan dhe më pas veten”, ka thënë në polici Ismail Bahja.
