Policia e Tiranës ka shoqëruar djalin e një deputeti të Shqipërisë, pasi akuzohet për dhunë fizike ndaj bashkëmoshatarit të tij.
I ndaluari është Geri Fufi, djali i deputetit të PD Mhill Fufi. Siç njofton policia, Geri së bashku me shokun e tij me iniciale R.S. janë ndaluar nga policia pasi që të dy kanë goditur me grushte një bashkëmoshatar të tyre.
Ngjarja sipas policisë ka ndodhur përballë shkollës ‘Besnik Sykja’, ku dy të rinjtë kanë goditur me grushte 17-vjeçarin D. S., i cili më pas ka bërë një denoncim.
Oficerët e komisariatit numër 2 kanë shoqëruar dy adoleshentët dhe pas marrjes në pyetje është vendosur që ata të hetohen në gjendje të lirë. Geri Fufi është proceduar penalisht edhe më parë nën akuzën e armë mbajtjes pa leje. /b.d
