37-vjeçari John Carmichael ka rrëfyer për median angleze tmerrin që ka kaluar për vite me radhë në burgun “Blackhill”. Në pamundësi për t’u përballur në gjykatë me personin që i shkatërroi jetën, i njohur si “Kasapi i Blackhillit”, John Carmichael ka vendosur të padisë drejtuesit e burgut, me pretendimin se është përdhunuar disa herë në qeli nga gangsteri i burgut Martin Hamilton.
“Martin Hamilton ishte një përbindësh. Ai ma shkatërroi jetën. Mendoj se njerëzit duhet të dinë edhe pse ai nuk është këtu tani, se çfarë njeriu ishte. Ai rrihte dhe përdhunonte adoleshentët. Shefat e burgut e kishin caktuar si i burgosur i pjekur, që duhej të kujdesej për fillestarët” – shprehet Carmichael.
37-vjeçari dhe viktimat e tjera të abuzimit seksual, kishin vendosur të përballeshin në gjykatë me “Kasapin e Blackhill-it”, por ky i fundit u zhduk dhe më pas u gjet i vdekur në një kanal, në West Calder, në Skoci.
“Unë nuk i festova Krishtlindjet, kur mësova se ai kishte vdekur. Qava dhe bërtita. Ai njeri më mori jetën. Isha i gatshëm të përballesha në gjykatë me të. Nuk e bëj këtë për t’u dukur në ekrane”, shprehet John Carmichael.