Kylian Mbappé është tashmë një nga futbollistët më të mirë në botë. Me rinovimin e fundit duket se sulmuesi francez ka marrë të tjera “valenca”. Qëndrimet e tij kanë ndryshuar, përballjet me Messin dhe Neymar i kanë habitur të gjithë, madje edhe vetë lojtarët e PSG.
Në ndeshjen e fundit, Neymar dhe francezi u grindën kur ishte puna për të ekzekutuar një penallti. Minuta më parë, Mbappé kishte pasur tashmë mundësinë për të kaluar skuadrën në avantazh, por e humbi penalltinë. Për këtë arsye, braziliani ka dashur të përpiqet të korrigjojë situatën, gjë që ka shkaktuar zemërimin e francezit.
Përveç kësaj, ai e nxori dufin edhe me Leo Messin, të cilin e shtyu gjatë krosimit, duke e lënë argjentinasin me fytyrë shumë pak miqësore. Videoja është bërë “virale” në rrjetet sociale dhe tashmë ka shumë komente që spekulojnë se mes yllit francez dhe pjesës tjetër të bashkëlojtarëve nuk ka marrëdhënie të mira.
Gjestet e pakënaqësisë së Mbappe janë evidente dhe parashikimet nuk janë të mira mes tyre. Një nga ish-yjet e futbollit botëror, Wayne Rooney, tashmë trajner i DC United në MLS, nuk ka dashur të heshtë përballë situatës së pakëndshme dhe ka dërguar një mesazh shumë të ashpër kundër Mbappe, në favor të argjentinasit, shtatë herë fituesit të “Topit të Artë”.
“Një futbollist 23-vjeçar është i përkushtuar të shtyjë Messin. Kurrë nuk kam parë një ego më të madhe në jetën time. Dikush duhet t’i kujtojë Mbappe se kur Messi ishte 23 vjeç, sa ai sot, kishte fituar tashmë katër Topa të Artë”, – tha anglezi për “Depar Sports”.
Fjalët e Rooney u bënë “virale” edhe në rrjetet sociale, ku shumica e përdoruesve pajtohen me ish-lojtarin e Manchester United dhe besojnë se qëndrimet e gjestet e Mbappe janë mungesë respekti ndaj shokëve të tij dhe ndaj Messit, i konsideruar si lojtari më i mirë në historinë e futbollit.
/a.r
