Sulmuesi i Manchester Unitedit, Wayne Rooney ka vlerësuar lartë ndikimin e Jose Mourinhos si trajner i Unitedit, përderisa është shprehur optimist për sezonin 2016-17.
Portugezi e zëvendësoi Louis van Gaalin në Old Trafford, pas dështimit të Djajve të Kuq për t’u kualifikuar në Ligën e Kampionëve.
“Gjithmonë është mirë kur keni një menaxher të ri, por kur merrni dikë në nivelin e Mourinhos, që është shumë mirë të punosh nën drejtimin e tij, dhe ka rikthyer edhe mentalitetin fitues në klub”, ka thënë kapiteni i Unitedit.
“E dimë se është një sezon i madh për ne. Ai ka transferuar disa lojtarë fantastik për mendimin tim, që janë adaptuar shumë mirë tashmë me skuadrën, prandaj është një kohë emocionale”, ka shtuar ai, citohet Koha. (b.an)
