Ronaldo ka lavdëruar Zidanin pas triumfit në Spanjë. Real Madridi është kampion i Spanjës për sezonin 2016/17. Los Blancos fituan titullin e 33 në histori të klubit, triumf ky që vjen pas pesë vjetësh, hera e fundit kur triumfuan ishte viti 2012, nën udhëheqjen e Jose Mourinhos.
Njeriu më në formë në këtë fund të sezonit, Cristiano Ronaldo, është shprehur tejet i lumtur për titullin e Spanjës, teksa lavdëroi Zidanin.
“Ka qenë një sezon i mrekullueshëm”, tha fillimisht Ronaldo.“Titulli është fituar me ndihmën e gjithë shokëve të mi.
Të gjithë kanë kontribuar, liga është e të gjithëve”, shtoi ai.“Jemi të lumtur, Zidane është duke bërë punë fenomenale”, theksoi më tej CR7, që e mbylli sezonin në La Liga me 25 gola, përgatiti ”Express”. (b.an)