Kristiano Ronaldo rikthehet në Premier Ligë? Mediat britanike ngrenë pikëpyetje për të ardhmen e sulmuesit të Realit të Madridit, duke marrë shkas edhe nga një vizitë e fundit që portugezi ka zhvilluar në Londër. Sipas tabloidit “The Sun”, Ronaldo ka zhvilluar një takim sekret në një restorant pranë stadiumit të njohur “Stamford Bridge”.
Duke cituar një burim anonim, “The Sun” thotë se hoteli në të cilën u fotografua Ronaldo është vendi ideal për takime të fshehta.
“Nga mënyra se si po ecte dukej se sapo kishte lënë ‘Signor Sassi’, por nuk mundet ta them me siguri. Restoranti është në një hotel luksi, vend perfekt për një takim diskret.
Ai shoqërohej nga dy truproja dhe nga një tjetër person, ndoshta një mik. Edhe pse mbante syze dielli, munda ta shquaja se ishte ai, shkruan Panorama Sport. Nuk ndodh shpesh që të përplasesh me Ronaldon, kështu që i kërkova rojeve të tij të sigurisë që të bëja një foto, por njëri prej tyre m’u përgjigj ‘jo tani’”,-thotë personi që “The Sun” citon se ka para Ronaldon në Londër. Javanews/ a.k
