Sevilla e Real Madrid pritet të dhurojnë spektakël sërish në “Sanchez Pizjuan”. Sevilla e Real Madridi do të përballen sërish këtë të diele, pak ditë pas barazimit 3:3 në Kupën e Mbretit.
Për dallim nga ndeshja e kaluar, Zinedine Zidane do të ketë në dispozicion lojtarë si: Keylor Navas, Luka Modric e Cristiano Ronaldo, të cilët pushuan për sfidën e vlefshme për “Copa del Rey”. Derisa Varane, Carvajal e Benzema do të rikthehen të jenë titullar, transmeton Gazeta Express.
Kur jemi te Ronaldo, duket se është lojtari që më së shumti duhet t’ia kenë frikën Sevilla. Në gjashtë ndeshje në La Liga në “Sanchez Pizjuan”, ai ka shënuar 11 gola, gati dy gola për ndeshje, transmeton Gazeta Express.
Ronaldo nuk shënoi asnjë gol edicionin e kaluar në humbjen 3:2 në “Sanchez Pizjuan”, por në sezonin 2014/15 ai realizoi tre golsh.
Kështu, portugezi pritet të jetë sërish rreziku kryesor për Sevillan, i cili është i freskët pasi pushoi në mesjavë. (b.an)
