Biletat e ndeshjes Frosinone-Juventus që do të luhet të dielën në mbrëmje në stadiumin “Benito Stirpe”, janë shitur zyrtarisht prej ditësh, madje një pjesë e mirë janë shitur nën dorë, në tregun e zi.
Sipas të përditshmes italiane “Il Giornale” një tifoz i Juventusit që jeton në këtë zonë, ka paguar 680 euro për të parë nga afër sulmuesin portugez Cristiano Ronaldo. Një çmim dy herë më i lartë se ai tri sezoneve më parë, kur Frosinone debutonte në Serinë A dhe luante për herë të parë me bardhezinjtë.
Prania e CR7 në fushë ka bërë që të dyfishojë i vetëm çmimin e biletës, të cilat mësohet se janë shitur brenda pak minutave që nga momenti që janë hedhur në treg. Kjo nuk është më një risi në kampionatin italian, duke parë se e njëjta skenë ka ndodhur edhe në transfertat e tjera që bardhezinjtë kanë kryer këtë sezon në Serinë A.
a.ç
