Ai gjendet gjithnjë atje ku duhet. Ylli portugez, Cristiano Ronaldo ka qenë vendimtar në fitoren e Real Madridit ndaj rivalit lokal, Getafe.
“Los Blancos” fituan me rezultat prej 1 me 2, transmeton Koha.net. Karim Benzema i dha epërsinë Realit duke shënuar në minutën e 39.
Getafe arriti të barazojë shifrat në pjesën e dytë përmes Molinas, i cili realizoi në minutën e 56.“Mbretërve” pikët e plota ia siguroi Ronaldo duke shënuar në minutën e 85, pas një asisti të bukur nga Isco.
Me këtë fitore Real Madridi arrin në kuotën e 17 pikëve, dhe mban vendin e dytë në tabelë me katër pikë më pak se lideri Barcelona. (b.an)
