Cristiano Ronaldo ka nisur që tani të mendojë për hapin tjetër në jetë, kur të tërhiqet nga futbolli. Futbollistti 30-vjeçar ka deklaruar “nuk do të jem gjithmonë “ylli” i Real Madrid” dhe kësisoj ka filluar të mendojë për të ardhmen.
Portugezi prezantoi projektin që do të ketë kur të tërhiqet nga futbolli. Ai ka investuar 70 milionë euro për ndërtimin e katër hoteleve që do të quhen “CR7”. Tre prej tyre do të jenë në Funchal, Lisbonë dhe Madrid, atje ku Ronaldo ka luajtur. I katërti do të jetë në New York, ku sulmuesi mund të vazhdojë karrierën pas largimit nga Reali.
“Puna ime është të luajë futboll, por kjo nuk do të zgjasë për gjithmonë. Më duhet të vendos se çfarë do të bëj në të ardhshmen dhe kam menduar të investoj në këtë projekt të ri”, tha Cristiano Ronaldo, transmeton telesport. “Këto hotele më elektrizojnë, është një ide që kisha prej kohësh. Do të përkushtohem më shumë për të kur të tërqihem nga futbolli. Po mendoj për të ardhmen, për djalin tim dhe për familjen time.” Në fillim të muajit nëntor, Ronaldo investoi 15 milionë euro në blerjen e një apartamenti në New York, shtoi Ronaldo.
Hoteli i parë “CR7” do të hapet në ishullin Madeira në verën e vitit 2016, në qytetin e lindjes së Ronaldos. I dyti do të jetë në Lisbonë, atje ku Ronaldo shkoi të luante për Sportingun dhe do të hapet në fund të vitit të ardhshëm. Hoteli i tretë, në Madrid, do të inaugurohet në vitin 2017, ndërsa i katërti do të hapet në Nju Jork. Faktikisht, SHBA pritet të jetë etapa e fundit në karrierën e futbollistit të Real Madrid. “Çfarë pune do të bëj me hotelet? Do të merrem me rregullim e shtretërve,” tha me shaka Ronaldo gjatë prezantimit të projektit të tij me vlerë 70 milionë euro.
