‘Martesa’ mes Real Madrid dhe Cristiano Ronaldo-s duket se do përfundojë këtë verë, pasi ‘galaktikët’ nuk kanë ndërmend të kënaqin kërkesat e portugezit për një rrogë 75 mln euro në sezon.
Ndërkohë prej ditësh flitet për hipotezat se ku mund të përfundojë sezonin e ardhshëm fituesi i 5 herë “Topit të Artë”.
Paris SG është parë gjithmonë si klubi pretendent, por edhe Manchester United është një kandidaturë e fortë pasi dihen ndjenjat e 33-vjeçarit për ‘djajtë’.
Së fundmi spanjollja ‘Marca’ ka lëshuar ‘bombën’, duke fituar në garë edhe Juventusin. Ata thonë se kampionët e Italisë janë të interesuar, por gjithsesi duket një mision i pamundur për të kënaqur dëshirat e portugezit.
“Nuk janë të shumtë klubet që mund të pretendojnë blerjen e tij nga aspekti ekonomik, pastaj është edhe çështja e pagës së tij, që përbën problem, ose të paktën duhet zgjidhur. Destinacioni i parë është ai që kthehet e rikthehet shpesh, Manchester United, vijuar me Bayern Munich, por edhe Juventus. Gjithsesi bazuar në pagën e majme prej 21 milionë euro në sezon që përfiton CR7 nga Real Madrid, duket gati mision i pamundur që një skuadër e Seria A të mund të përballojë luksin e blerjes së portugezit”, raporton ‘Marca’.
a.ç
