Sulmuesi i Real Madridit ishte pranë kalimit te Juventusi kur ishte pjesë e Sportingut të Lisbonës, por Marcelo Salas kishte refuzuar të bëhej pjesë e marrëveshjes dhe të kalonte në Portugali.
Përfundimisht, Ronaldo iu bashkua Unitedit dhe për këtë ka folur me legjendën e Juventusit, Alessandro Del Piero.
“Shumë skuadra ishin të interesuara për mua”, ka thënë portugezi në një intervistë për Sky, e cila do të transmetohet në janar si e plotë.
“Njeriu kryesor gjithmonë ka qenë Jorge Mendes [agjenti], megjithatë. Ai më dha drejtimin e duhur. Natyrisht, e mbaj në mend se biseduam me Juventusin dhe isha i lumtur sepse Juve është klub i jashtëzakonshëm. Por, biseduam edhe më Real Madridin dhe Manchester Unitedin e shumë skuadra tjera. Skuadra që m’i ofrojë kushtet më të mira ishte Manchester Unitedi”, shpjegoi portugezi.
