Ambasadorja amerikane Yuri Kim ka reaguar për rolin e ri të Shqipërisë në Këshillin e Sigurimit të OKB-së, si bashkëhartuese me SHBA-të në qëndrimin për çështjen e Ukrainës.
“SHBA vlerëson lidershipin e Shqipërisë në Këshillin e Sigurimit të OKB-së, si bashkëpenëmbajtëse me SHBA për çështjen e Ukrainës. Agresioni i Rusisë jo vetëm që kërcënon Ukrainën dhe Evropën, por edhe rendin ndërkombëtar për të cilin OKB-ja është ngarkuar të ruajë”, shkruan ambasadorja në reagimin në Twitter.
Kryeministri Edi Rama përmes një konferencë bëri të ditur se DASH ka konfirmuar se SHBA dhe Shqipëria do të jenë bashkë-penëmbajtëse të çështjes së Ukrainës në Këshillin e Sigurimit në OKB. Kjo e vendos Shqipërinë në pozita vendimmarrëse, ndërsa Rama tha se vendi ynë nuk do të sillet si fundit i kavallit që vetëm do të aprovojë.
Rama u shpreh i emocionuar për këtë vendim të DASH dhe tha se është në vazhdën e mundimit për ta ngritur Shqipërinë në një nivel tjetër. Dhe Shqipëria do të sillet si e barabartë me të tjerët, siguroi Rama, në konferencë. Situatën në Ukrainë, e cilësoi një konflikt të rrezikshëm dhe që për të ka vetëm një zgjidhje. Indiferentë u shpreh për letrën publike të e ambasadës ruse, të disa ditëve më parë, ku kërkonte që edhe Shqipëria të pozicionohet qartë për konfliktin në Ukraninë
/b.h
