Irani respekton marrëveshjen bërthamore të vitit 2015, por do të reagojë me vendosmëri nëse kjo marrëveshje shkelet, theksoi sot presidenti iranian, Hassan Rohani para OKB-së.
“Ne nuk kemi gënjyer askënd, ne nuk kemi qenë të pandershëm në aplikimin e marrëveshjes, por Teherani do të kundërpërgjigjet me vendosmëri për çdo shkelje të marrëveshjes”, shtoi Rohani, ndërkohë që SHBA-ja vazhdon të kërcënojë duke dënuar këtë marrëveshje.
“Do të ishte e turpshme nëse marrëveshja do të prishej nga individët e rinj në politikën ndërkombëtare”, theksoi presidenti iranian duke iu referuar presidentit amerikan, Donald Trump.
“Marrëveshja i përket komunitetit ndërkombëtar dhe jo një apo dy vendeve”, shtoi ai.
Presidenti amerikan, Donald Trump, i cili ka kritikuar sërish ashpër marrëveshjen iraniane para OKB-së, duhet të vendosë, deri në mes të muajit tetor, nëse certifikon ose jo para Kongresit faktin se Teherani respekton apo jo angazhimet e tij./ b.d
