Labeli i Jay Z ka hedhur në gjyq Rita Orën, duke e paditur me 2.4 milionë dollarë që Rita duhet t’i kthejë atyre. Padia tregon historinë se si Jay Z ka investuar miliona dollarë për ‘të rritur’ një këngëtare të talentuar por të panjohur. Mes rreshtave, në padi shkruhet se Roc Nation kërkon që Rita t’i kthejë atyre 2.4 milionë dollarët e investuar në të, duke thënë: “ne u munduam të të bëjmë ty të suksesshme, por ti nuk u bëre, kështu që i duam paratë tona”, transmeton lajmi.net.
Kjo padi vjen pasa asaj të Ritës para gjashtë javëve, kur ka akuzuar labelin se ata nuk po e përkrahin atë dhe po i vonojnë lansimin e albumit të dytë tash e sa kohë.
Rita po akuzohet se ajo nuk ka arritur të nxjerrë pesë albumet e premtuar, kur ka nënshkruar me ta në vitin 2008 dhe tani ka ndërprerë kontratën pa e realizuar këtë. Por, Elena Ora ka treguar ata kanë arritur gjithçka me punën dhe mundin e tyre, sidomos në fillim kur nuk janë përkrahur aspak nga “Roc Nation” dhe është dashur të investojnë vetë për t’i dëshmuar atyre se Rita vlen të promovohet, shkruan lajmi.net. Kështu, pritet të shihet se çfarë do të vendoset me këtë rast dhe se a do t’i kthejë Rita paratë e investuara nga labeli i Jay Z që ajo të arrijë famën që ka sot.
