Gazetari i kronikës dhe njëherësh shkrimtari italian Roberto Saviano ka qenë në Shqipëri këto ditë. Në një intervistë të dhënë për Alba Malltezin, Saviano thotë se mafia shqiptare është e fuqishme dhe ndikon në eksodet që ndodhin, e kanë instrument.
Nga ana tjetër Saviano thotë se mafia shqiptare nuk preferon të njihet me emër specifik pasi kjo do e dëmtonte, ndaj njihet thjeshtë si mafia shqiptare.
“Thjeshtë se ka një pjesë të organizatave që qartazi përdorin azilin duke e shitur dhe duke krijuar një treg brenda këtij mekanizmi.
Tema e kriminalitetit dhe e burimeve është pak e ndërlikuar; shumica e burimeve janë prej policisë, në radhë të dytë burimi me kontaktet me realitetin, pra intervista me personat, edhe pse është pjesa më e vogël e punës sime. Megjithatë tema mbetet qendrore, ashtu sic thashë dhe në konferencën në Tiranë, mafia shqiptare nuk ka as dhe një emër me të cilin mund të identifikohet, quhet në përgjithësi mafia shqiptare, por jo një emër specifik me të cilin kërkonte identifikohet.
Dhe as ka dëshirë të identifikohet. Dhe as nuk është përkufizuar pra as nuk përmendet. Dhe meqë nuk ka të shtëna të pafundme si gjatë fazave të mafias italiane kjo bën që të mbetet mbrapa vëmëndja e opinionit publik.
Madje sulmohet kush thotë që ka organizata, prandaj unë mendoj se ka një domosdoshmëri për të përmendur dhe për t’i dhënë një emër të keqes”, ka thënë Saviano.
