Këngëtarja Rita Ora i ka bërë një sugjerim të veçantë producentit të “XFactorit” britanik, Simon Cowell, duke i kërkuar që një puntatë e këtij talent show të regjistrohet në Pallatin e Brigadave në Shqipëri.
Sipas mediave në Britani, Rita Ora, si pjesë e jurisë së “XFactor” ka kërkuar që të dëgjojë në ishrezidencën e mbretit Zogu I në Tiranë, konkurrentët që kaluan fazën e parë të audicioneve.
Producenti Simon Cowell nuk ka marrë ende një vendim lidhur me sugjerimin e këngëtares, e cila vijon të tregojë se ndihet krenare për origjinën e saj shqiptare.
Gazeta “The Mirror”, e konsideron Mbretin Zog si një ishdiktator, dhe për këtë arsye ngre pikëpyetje nëse producenti i “XFactor” do të pranojë që talent show i tij të regjistrohet në ishrezidencën e një diktatori.
