Deputeti demokrat, Arben Ristani, ka reaguar shkurtimisht në Facebook sa i përket seks-skandalit të Shukri Xhelilit. Në një postim të shkurtër, Ristani le të nënkuptohet se video e ish-kryebashkiakut të Peshkopisë ka lidhje me rastin e bërë publik të Klement Balilit.
“A ka lidhje midis rastit te Eskobarit te Ballkanit dhe Shukriut te Peshkopise?
“Te medhenjte” po gjuajne njeri tjetrin me rrufe” – shkruan Ristani.
Po sot, deputeti i LSI, Perparim Spahiu, kërkoi nga kryeministri Rama që të kërkojë falje për kandidatin e koalicionit të vitit 2015, Shukri Xhelili. Më parë, Spahiu është ankuar se ish-kryebashkiaku nuk mbante kontakte me deputetët e qarkut dhe se nuk jepte shërbim për qytetarët.
Vetë Xhelili, në të vetmin reagim pas publikimit të videos tha se e gjitha është e orkestruar nga kundërshtarët e tij politikë. (javanews.al / r.a)
