Ristani reciton vargje të Çajupit për Ramën: T’u thaftë goja, more beu ynë!
Çdo të enjte salla e Kuvendit kthehet në një vend ku përveç akuzave politike nuk mungojnë as batutat që politikanët bëjnë me njëri-tjetrin. Sot ‘spikati’ Arben Ristani, Sekretari i Përgjithshëm i PD-së, i cili pas akuzave të bërë nga kryeministri Edi Rama recitoi vargje të Çajupit nga “ Klubi i Selanikut”.
Ristani: Dëgjojmë vetëm fjalë të ndyra dhe të shpifura nga ky zotëri. Më vjen në mëndje ka një gjë të bukur te “Klubi i Selanikut”. “Po tu thaftë goja more beu ynë, si nuk the një fjalë të mirë, po qenke vesh gjatë more beu ynë, po qenke turk more beu ynë”. Dhe kjo shprehje shkon shumë mirë me gjithë këtë turme arrogantësh dhe turkoshakësh që ke mbledhur me të cilët do të bësh edhe reforma. E di që janë të paaftë dhe flenë nën miza po shyqyr që e di dhe ti dhe jua thua edhe në sy, po harron që këtë parlament e ke kriminalizuar ti. “Turkoshak dhe veshgjatë, tu thaftë goja që nuk the një fjalë të mirë”.
Andon Zako Çajupi: “Klub’ i Selanikut”
T’u thaftë goja, more beu ynë!
Të plastë koka more beu ynë!
Të paskan lënë mëntë, more beu ynë!
Qënke veshgjatë, more beu ynë!
Qënke turk, more beu ynë!
Qënke xhonturk, more beu ynë! Ndë Klub të Shqiptarëvet na the si duhet të sillet Turqia që të shpë tojë nga rreziku i sotmë dhe të rrojë përjetë. Pse s’fole një fjalë dhe për Shqipërinë? Pse? Apo s’keshe se ç’të thoshe? Apo t’erth frikë nga xhonturqit, që të dërguan mut-e-sarif ndë Seres, që të shaç kaurët? Pse s’tu tha
gjuha ndë gojë?…
Mos na thuani tjetër herë se jini shqiptarë, mos na çani kryet me gënjeshtra, se u kemi kuptuar se ç’jini ndë zemër tuaj! Ju punoni për Turqinë e jo për Shqipërinë. Fanatizma u ka verbuar. Duani t’u mbesojmë për shqipëtarë? Dilni nga buk’ e turkut, hani bukën me djersë si neve e jo duke rrjepur, duke vjedhur. Hiqni dorë nga fanatizma e turqëve, mirrni qytetërimin t’Evropit, që ndriçon botën, zbukuron mendjen, zbut zakonet. Nukë them ndëroni besën jo!
Po të ndërroni mendjen, të mejtoni dhe të silli si perndimasit (evropasit) në dojni të rroni ndë mes t Evropësë.
Besa jo, shqipëtarët myslimanë, s’janë të tërë si ky faqezi i çmendur, që lëpin, me far’ e me fis, çanakët e xhonturqëvet dhe për këtë shkak i falet zotit të rrojë Turqia përjetë ndë Shqipëri. Zoti mos ndëgjoftë të tillë njerz të poshtër e këpucëgrisur!
Rroftë Shqipëria e lirë!
U shoftë Klub’ i Selanikutse qënka i xhonturqëve e, jo i shqipëtarëve!
U shofshin të tërë klubet e Shqipërisë, në punojnë për xhonturqit dhe në kanë për qëllim çarje dhe armiqësi ndë mes të shqiptarëve myslimanë e të krishterë!
Rroftë dashuria! Rroftë bashkimi!
Redaksia Java News/ f.g
