Pas shkrimeve të shumta që thoshin se Apple do të lansojë iPhone 7 më 2017 me një dizajn krejtësisht prej qelqi, Wow Factor tani thotë se celulari i ri do të ketë një ekran të dyfishtë të lakuar.
Kjo veçori do ta bënte celularin e ri të Apple të ngjashëm me rangun e celularëve Galaxy Edge të Samsung, të cilët kanë ekrane të lakuara.
Drejtori për hulumtime në treg nga IHS Technology, Kevin Wang, thotë se Apple do të dyfishojë kapacitetin e hapësirës së iPhone 7, transmeton Gazeta Express.
Ai thotë se kompania do të prodhojë një iPhone me një dizajn të cilin përdoruesit nuk e kanë parë asnjëherë më parë.
Kjo mund të ketë një arsye logjike: viti 2017 është 10 vjetori i iPhone-it origjinal dhe Apple mund të jetë duke përgatitur diçka speciale me këtë rast.Express/a.m.
