“Britney Spears është gjallë dhe mirë”, konfirmoi për CNN zëdhënësi për shtyp i këngëtares.
Sony Music pati një “lajthitje” në Twitter, ku dha njoftimin e rremë se Britney Spears u nda sot nga jeta.
“U prehsh në paqe Britney Spears. 1981-2016”, shkroi Sony në faqen zyrtare në Twitter. Më pas, në një tjetër postim tjetër shkroi: “Britney Spears vdiq në një aksident! Më vonë do t’ju tregojmë më shumë.”, shkruan Anabel. Twitter-i u çmend nga postimet me thurjen #RIPBritney dhe fansat u dëshpëruan. Megjithatë, nuk duhej të kalonte shumë kohë që të sqarohej gjithçka.
Në të vërtetë, faqja e Sony Music ishte vjedhur nga piratët kibernetikë, të cilët hynë edhe në faqen e Bob Dylan-it në Twitter dhe shkruan: “U prehsh në paqe Britney Spears.” Këto postime tani janë fshirë.
Sony u detyrua të sqarojë në një tjetër postim se dikush kishte hyrë në llogarinë e tyre në Twitter dhe theksoi se Britney është gjallë.
