Presidenti rus, Vladimir Putin emëroi të mërkurën Denis Lyamin në krye të Forcave të Sistemeve Pa Pilot të Rusisë, një degë e sapokrijuar e ushtrisë që do të jetë përgjegjëse për luftën me dronë.
Putin njoftoi emërimin si pjesë të asaj që ai e quajti “përsosje” e strukturës ushtarake, në mes të vitit të pestë të luftës në Ukrainë.
Dronët kanë dominuar konfliktin, me secilën palë që i vendos ato jo vetëm përgjatë vijës së frontit prej 1,200 km, por edhe për sulme në det dhe në objektiva thellë pas vijave të armikut, siç janë infrastruktura energjetike dhe depot tregtare.
Putin, duke iu drejtuar drejtpërdrejt Lyaminit në një takim televiziv me krerët e ministrisë së mbrojtjes, tha se ai ishte “një nga specialistët më të kualifikuar” për të marrë përsipër forcat e reja të dronëve. Ai
Lyamin ishte më parë shef i shtabit për grupin “Qendra” të forcave ruse që luftonin në Ukrainë. Ai u diplomua nga një shkollë komande tankesh dhe ka një përvojë në forcat tokësore.
Putini e përshkroi grupin “Qendra” si një pjesë kyçe të përpjekjeve të Rusisë për të kapur të gjithë rajonin e Donetskut, një përparësi kryesore për Moskën në luftë.
Në një riorganizim të njoftuar në të njëjtin takim, ai tha se komandanti i Qendrës Valery Solodchuk do të transferohej në një pozicion të ri përgjegjës për të gjithë logjistikën ushtarake dhe do të zëvendësohej nga Andrei Ivanayev, i cili më parë ishte përgjegjës për grupin lindor të forcave.
