Kryeministri Edi Rama ka njoftuar ecurinë e aplikimeve për vende të reja pune në disa sektorë të njësive vendore. Në një postim në facebook, Rama tha se Vlora është në fazën e intervistave për kandidatët e interesuar.
Në mesazhin e tij, Rama njofton gjithashtu se në bashkëpunim me Institutin Tony Blair, është zhvilluar një model i ri organizativ për Bashkinë e Tiranës, i cili do të implementohet edhe në bashki të tjera për të forcuar qeverisjen lokale.
“Bashkitë Durrës, Shkodër, Korçë, Dibër, Fier, Lushnjë, Elbasan dhe një sërë të tjerash kanë hapur tanimë thirrjet publike për aplikime për prurje të reja në drejtimin e sektorëve të ndryshëm të veprimtarisë së tyre
APLIKONI me kurajo dhe besim
Vlora që nisi e para po ecën me fazën e intervistave të të interesuarve, ndërkohë që në bashkëpunim me Institutin Tony Blair është konceptuar një strukturë e re organizative e Bashkisë Tiranë, e cila do të adoptohet edhe në bashki të tjera, për të forcuar shtyllat bazë të mirëqeverisjes vendore
Eshtë koha që bashkitë të fuqizojnë kontributet e tyre për Shqipërinë 2030 në Bashkimin Europian”, shkruan Rama.
SPAK, Prokuroria,Gjykatat,gjykatësit duhet të lëshojnë urdhër arresti për kryeministrin e çmendur Edi Rama,që ka shkelur Kushtetutën e Shqipërisë,duke detyruar Kryetarët e bashkive të Shqipërisë të shkarkojnë të gjithë të emëruarit në këto institucione,që kanë dalë nga vota e zgjedhjeve për pushtetin lokal.