Rio Ferdinand mendon se Real Madridi ka mesfushën më të mirë në botë
Luka Modric, Casemiro dhe Toni Kroos, janë më të mirët në botë sipas legjendës së Manchester United, Rio Ferdinand.Ferdinand ka thënë për “BT Sport” pas ndeshjes me Atletico Madridin, se nuk ka parë treshe më të mirë në mesfushë që nga periudha e treshes së famshme të Barcelonës, Andres Iniesta, Xavi Hernandez e Sergio Busquets.
“Uffff, janë tre mesfushorë fantastik”, u përgjigj fillimisht Ferdinand, kur u pyet për treshen e Realit, që shkëlqeu ndaj Atletico Madridit.
“Mund të them se nuk kam parë që një kohë të gjatë një treshe kaq të mirë, që nga koha e Xavi, Busquets e Iniesta”, shtoi ai.
“E njohin njëri tjetrin shumë mirë, mënyra si lëvizin në fushë, si e lexojnë lojën, si pasojnë, si krijojnë hapësira për njëri – tjetrit, thjeshtë janë treshe fantastike”, u shpreh më tej legjenda e Manchester United, citohet ”Express”. (b.an)
