KAS i dha dritën jeshile kërkesës së Lëvizjes Socialiste për Integrim e cila pretendon se e ka humbur mandatin e saj të parë vetëm për 136 vota, që i takonte të parës në listë, Elona Gurit në Durrës.
Pasi KAS miratoi kërkesën e LSI, në KQZ është duke vijuar rinumërimi i 108 kutive për qarkun e Durrësit.
LSI pretendon në parragullsi, ndërsa e humbi mandatin për 136 vota. Deri në këto momente mësohet se janë rinumëruar 54 kuti dhe nuk ka ndryshim rezultati.
Referuar të dhënave, PS ka humbur 2 vota, LSI ka marrë 3 vota më shumë, ndërsa PD ka humbur 13 vota.
Që të marrë mandatin, LSI duhe të rikuperojë edhe 133 vota.
/b.h
