Gazetari Ardit Rada në një intervistë në “Edicioni i Fundit”, komentoi procesin e rinumërimit të votave, duke u ndalur edhe te deklaratat e ish-kryeministrit Berisha, i cili ka akuzuar për manipulime të zgjedhjeve.
Gjatë intervistës, Rada u shpreh kritik ndaj Berishës, duke thënë se rinumërimi i Tiranës, vërtetoi se nuk ka asnjë “tren bullgar”, siç edhe kishte pretenduar Berisha.
Gjithashtu shtoi se asnjë komisioner i PD nuk ka folur për manipulim votash.
“Berisha dita ditës pritet të shfaqet me fantazi të reja, por rinumërimi i Tiranës faktoi se nuk ka asnjë tren bullgar. Teknikisht asgjë nuk ndodh nga ato që pretendon Berisha. Si zevendesohen kutite? Ku e di ai qe do i zevendesoje sesa vota ka ne procerverbal dhe keto ti beje ne kohe reale ne perputhje me vullnetin e komisionereve? E keni pare qe s’ka dale nje komisioner apo numerues i PD ne krah te Berishes apo vec, qe te shprehet se ka vene re parregullsi ne 11 Maj? Por ky ëshë misioni i Berishës. Akuzat e tij, janë fantazi dhe besoj se do të nisë të shfrenohet deri ditën që do marin pushimet. Kishte edhe një akuzë tjetër që Edi Rama dhe qeveria me valixhe diplomatike transportojnë drogë, kjo ishte tejet qesharake.
