Ilir Alimehmeti, kandidati për deputet në listën e hapur të Partisë Demokratike për zgjedhjet parlamentare, i ftuar në emisionin “Ngjarja Kryesore” në RTSH 1, drejtuar nga Sonila Agostini, deklaroi se organet kompetente duhet të ndjekin seriozisht procesin e rinumërimit sepse me precedentin e krijuar tashmë në hapjen e 42 kutive të qarkut Dibër, është tjetërsuar vota preferenciale.
I pyetur nga gazetari Ervin Koçi se përse kandidati Alimehmeti ka iniciuar një kërkesë në KAS për rinumërim votash kur ndërkohë kërkesën e tillë e kishte bërë dhe PD-ja, a tregon kjo mungesë besimi te subjekti politik, ai u shpreh se” fillimisht kërkesa ka qenë për pavlefshmëri dhe më pas është kërkuar rivlerësim dhe rinumërim.
“Patjetër nëse do ta kishte bërë më parë PD-ja, unë nuk do e kisha bërë ankimimin. -shtoi Alimehmeti.
Gazetari Koçi, duke iu referuar hapjes së 42 kutive të qarkut të Dibrës dhe rinumërimi vetëm i votave preferenciale, me kërkesë të demokratit Xhemal Gjunkshi, u shpreh se votat brenda kutive, nuk përputheshin me procesverbalet për asnjë kandidat të listave të hapura.
Duke u ndalur në procesin e rinumërimit, ish-kandidati për deputet i PD-së, Alimehmeti u shpreh se,
“Këto fletë që janë parë në videot e KQZ-së, janë rifutur sërish në kuti dhe kur hapet sërish kutia nuk qenkan të njëjtat fletë votimi. Këto ngrenë një tjetër diskutim shumë të madh që a janë futur duart në kuti?, a janë konservuar siç duhet votat brenda? Nëse kjo është e vërtet unë i ftojë organet kompetente“
