Kryeministri Edi Rama ka vlerësuar meritat e ish-ministrit të Brendshëm, Ervin Hoxha për ringritjen e Agjencisë së Administrimit të Pasurive së Sekuestruara dhe të Konfiskuara.
Rama tha se kjo agjenci funksiononte si njësi riciklimi, pasi sipas tij, pasuritë e sekuestruara i rishiteshin kriminelëve.
“Policia shkencore është një strukturë falë disa specialisteve të mirë aty, dhe i ka mbijetuar kohës. Por një polici shkencore e painvestuar, nuk është gjëkundi ashtu siç duhet për kohën që jetojnë.
Administrimi i Pasurive të Sekuestruara, ka filluar të bëjë sens dhe këtu është merita e ministrit dhe drejtores. Merita e Ministrit që i dha vëmendjen e duhur. Kjo njësi funskionte si njësi riciklimi për të sekuestruarit, ua merrnin me 1001 përpjekje dhe halle, ata që janë në luftë më krimin, dhe kjo njësia ua jepte me çmim të arsyeshëm mbrapssh dhe i blinin nga Ministria e Brendshme për 5 lekë.
Dhe policia e shteti mbetej pa infrastrukturën e duhur dhe kriminelët merrnin pallatet, që fare mirë mund të ishin komisariate”, tha Rama.
