Në shtator mbyllet tërësisht kantieri i rindërtimit në Fushë-Krujë. Gjatë inspektimit që Kryeministri Rama bëri sot në kantierin e lagjes, Ministri i Shtetit për Rindërtimin Arben Ahmetaj njoftoi sot se deri në shtator, në Fushë-Krujë mbarojnë shtëpitë individuale dhe ndërtesat kolektive. Pas goditjes që mori nga tërmeti, në Fushë-Krujë po ngrihet nga themelet një nga laget model të me infrastrukturë moderne dhe shërbime pranë banesave.
“Kemi 124 shtëpi individuale dhe mbi 150 apartamente. Sa i përket pallateve, deri në shtator, gjithë kantieri është mbyllur Të dyja lotët, edhe shtëpitë individuale, edhe apartament janë të mbyllura”, – u shpreh ministri Ahmetaj.
Kryeministri Rama vlerësoi cilësinë e punimeve dhe ritmin e tyre. Pallatet do të kenë edhe një kat nëntokë për parkim, ndërsa katet e para do të jenë ambiente për shërbime e biznese. Nga ana tjetër, shtëpitë individuale janë pothuajse të përfunduara e tashmë janë në pritje për t’u marrë në dorëzim nga familjet.
Nuk munguan edhe shakatë e kryeministrit me punëtorët, ku njëri prej tyre tha se kolegët e tij janë demokratë të flaktë.
Punëtori: Janë demokratë të çmendur të gjithë.
Rama: Mbaji se mos na hidhen.
Fushë Krujë – Gëzim i madh sa herë që vizitoj lagjen “Rilindja”, ku shtëpitë individuale dhe apartamentet po marrin formë dita – ditës që vjeshta t’i gjejë gati
“, shkruan Rama në postimin e videos.
