Ministri i Rindërtimit Arben Ahmetaj me në anë të një statusi në “Facebook” shkruan se sot qeveria ka nënshkruar një marrëveshje me Fondacionin Firdeus, duke shtuar se ky pakt është gur i rëndësishëm në rindërtimin e banesave.
Ahmetaj thekson se vazhdon pandërprerë projekti për të rindërtuar banesat e shkatërruara në Thumanë dhe kudo ata janë shembur nga tërmeti.
Postimi i Arben Ahmetajt:
#TiNukDoJeshKurrëVetëm❤
RINDËRTOJMË 🤝 BASHKË
Nënshkrimi i Marrëveshjes me Fondacionin Firdeus, një tjetër gur i rëndësishëm në themel të rindërtimit.
9 milionë e 50 mijë euro donacione nga shqiptarët për shqiptarët, do të shkojnë për rindërtimin e 168 banesave individuale në Thumanë, e në varësi të nevojës, edhe në njësi të tjera brenda zonës së dëmtuar nga tërmeti i 26 nëntorit.
👉Ndërkohë qeveria ka avancuar 5.7 milion dollarë për rindërtimin e infrastrukturës në Thumanë dhe përgatitjen e terrenit për rindërtimin e banesave, ku shumë shpejt Firdeus do të fillojë të hedhë themelet e para!
/e.rr
