Postblloqe të shumta janë ngritur, ndërsa forca të armatosura të policisë kanë nisur kontrolle në disa fshatra pranë Rinasit.
Në fshatin Dritas, janë të pranishme edhe forcat RENEA, si dhe Forcat e Ndërhyrjes së Shpejtë.
Por kontrolli i forcave RENEA nuk mbaron këtu pasi ata po kryejnë kontrolle për kapjen e grabitësve në një avion të linjës Tiranë-Vjenë.
Drejtori i Rendit dhe Sigurisë në Policinë e Shtetit Gjovalin Leka dhe drejtori i Policisë së Durrësit ndodhen në vendngjarje.
Shenja e tyre e fundit është në Bathore ku po kontrollohen të gjitha banesat. Nuk bëhet fjalë për një kontroll të veçantë, por në seri.
Çdo shtëpi dhe çdo makinë do të kontrollohet nga policia, pasi dyshohet se këtu ndodhen grabitësit e plot 10 milionë euro. Çdo shtëpi dhe çdo makinë do të kontrollohet nga policia, pasi dyshohet se këtu ndodhen grabitësit e plot 10 milionë euro.
Në zonë ndodhen rreth 100 policë, bashkë me qen gjurmues të cilët janë pozicionuar në rrugën ku ka kaluar grupi. Mbi 10 makina policie janë parkuar në hyrje të Bathores, aty ku njëri prej grabitësve ka kaluar me biçikletë.
g.kosovari
