Prokuroria e Tiranës dërgon në gjykatë një dosje penale me 46 persona të akuzuar për një skemë gjigande mashtrimi në industrinë e kromit. Të akuzuarit kryesorë të kësaj cështje janë shtetasit Sokol Nasufi, Mehmet dhe Rexhep Dauti të arrestuar në nëntor 2016.
Sipas Prokurorisë, këta tre persona, në bashkëpunim me njëri-tjetrin, kanë plotësuar fatura fiktive shit-blerjeje të lëndës minerare, në bazë të të cilave kanë përfituar rimbursimin abuziv në vitin 2013 nga buxheti i shtetit duke i shkaktuar kështu një dëm të konsiderueshëm në paratë publike.
Sokol Nasufi, në cilësinë e administratorit të kompanive “Eurospeed Transh Chrom” sh.p.k dhe “Euro Trade Minerals Group” sh.p.k., ka bashkëpunuar me subjektin “Elidon 6”, nën administrimin e vëllezërve Mehmet dhe Rexhep Dauti, në aktivitetin e shit-blerjes së kromit.
Hetimi i prokurorisë së Tiranës është zgjeruar në dinamikë duke zbardhur implikimin e personave të tjerë. Në këto kushte, Prokurorja e ccështjes Antoneta Sevdari ka marrë të pandehur 46 persona të cilët pritet tashmë të përballen me gjykatën.
Para dërgimit të dosjes në gjyq, prokuroria ka vendosur sekuestro edhe për 2 milionë e 300 mijë euro pasuri të gjetura në emër të të pandehurve, shkruan Panorama.
Numri prej 46 të pandehurish në këtë cështje, një ndër më të lartët që ka pasur prokuroria shqiptare në ccështjet e hetuara prej saj, akuzohen për falsifikim të dokumenteve, stampave dhe vulave, sipas nenit 190 të Kodit Penal dhe për “Krijimi i skemave mashtruese lidhur me tatimin mbi vlerën e shtuar”, sipas nenit 144/a të Kodit Penal si dhe për “Pastrimi i produkteve të veprës penale ose veprimtarisë kriminale”, parashikuar nga neni 287 i Kodit Penal.
Sipas burimeve të gazetës, mësohet se hetimi për këtë rast ka nisur në vitin 2016 bazuar në referimin e Drejtorisë së Hetimir Tatimor në bashkëpunim me njësinë e hetimit të krimit ekonomik në prokurorinë e Tiranës.
ma.me
