Kryeministri Edi Rama ka postuar në rrjetin social Facebook një video nga transformimi i qendrës së qytetit të Librazhdit, për të shpjeguar efektet që ka sjellë projekti kombëtar i qeverisë, “Rilindja Urbane”, i shtrirë në të gjithë vendin. Në video, qendra e qytetit të Librazhdit dhe lagjet e tij duken krejtësisht të transformuara, me rrugë të rikonstrukturuara, trotuare dhe gjelbërim.
“Rilindja Urbane stimulon ekonominë vendore, rrit vlerën e pronës dhe të mjediseve të biznesit të vogël, zhvillon ndjenjën e bashkëjetesës komunitare dhe integron njësi e komunitete që u ndanë e izoluan nga njëri-tjetri për njëzet e kusur vite me radhë”, shkruan Rama në videon e postuar.
Dy ditë më parë, kryeministri Edi Rama inspektoi nga afër në Librazhd disa prej projekteve infrastrukturore të qeverisë. Rama u shpreh se transformimi i qytetit të Librazhdit është shembulli konkret i punës së qeverisë përmes projektit “Rilindja Urbane”. Gjithashtu, kryeministri premtoi shtrirjen e investimeve edhe në zonat rurale.
ma.me
